H信仰之路

vic_shek

我個人真係好好奇，唔知ohho有冇興趣同大家分享下你既經歷。
之前我都有聽過你果個信仰節目，不過無留底，又忘記得七七八八。

首先就係想知當初點解信，同埋最後點解唔信啦。

不過要得到當事人同意先得喇。

ohho

(今日病左，要早Ｄ訓，明天開始慢慢打 ... 晚安)

vic_shek

係囉，保重。
要訪問高手，我都真係好鬼緊張，唔知應唔應付得黎，不過又好鬼期待。

釘釘

對唔住....我仲以為"H"都可以做信仰......

sc

原帖由 釘釘 於 2006-4-26 12:35 AM 發表
對唔住....我仲以為"H"都可以做信仰......

滿腦子 H....

ohho

生老病死，絕大部份人都經歷。今日病左，但清早可以坐向公園睇下報紙，買個面包食點藥，小病焉知不是福？

大約由中學開始，就喜歡思考所謂的「人生問題」e.g. 世界上有冇神？如果有邊個係真？人生的目的及意義何在？人死之後係乜景況？世界為何每多苦難？... 總之都係Ｄ中學生 FAQ。

第一次同基督徒的對話是中二（定中三）的校運會。有個同學經常返團契，大概已經信左耶穌，對我傳福音。當時只是問下佢耶穌係咪外星人佢都唔多知點回應。我心諗，衛斯理都比基督徒聰明，於是對呢個宗教的印象就麻麻。對團契的觀感係「一班笨笨地但唔係壞的人坐埋一齊」，就咁多。

其間當然會睇下其他另類書，乜鬼密宗大手印、《突破》、《我思故我在》、《上帝之死》、....總之又係中學生常讀的。拉拉雜雜，冇乜定論。

其時心諗，將來自己一定要總括出一個前冇古人的宗教信仰，救萬民於水火，又係典型中學生的志大才疏無謂空想。

再一次接觸基督教係中學五年班，一班同學約左一班女仔去南丫島宿營 ...

gan

好睇, 支持, 期待!

auditor

公園睇報紙..... 阿伯??

原帖由 h 於 2006-4-26 11:33 AM 發表
...

再一次接觸基督教係中學五年班，一班同學約左一班女仔去南丫島宿營 ...

加入左異性的原素使人好期待下一集

ohho

班女仔係向一個夏令會認識，之後再相約去南丫島宿營。

男的白天已經到達，女的打電話到營地說要晚一點到，話大概會坐最後一班船。大家於是安心等候，當時未流利手提電話，聯絡比較困難。

晚上，士多電話終於響了，同學接到消息，原來班女仔去了另一個碼頭。我們的營地在榕樹灣，她們去了索罟灣。當時只有兩個選擇，叫她們原船折返，取消活動；或者叫她們原地等待，男生過去接她們過來。大家都係愛玩，當然選了後者。

男仔分開兩隊，沿兩條不同的路線進發。我也跟隨其中一隊，星光下，山道上，直奔索罟灣。

但跑下跑下，越來越唔對路。由水泥路走到泥路，由泥路走到冇路。面前是一埋亂草樹叢，迷路了。無奈地我們呢一隊只可以折回宿舍等待。

坐在營屋的大廳，心內十五個吊桶七上八落，忐忑不安。一個人於是走到露台外，坐在椅上。當然忽然內心出現了一個念頭：不如祈禱丫。不知道為何有了這個念頭，但當時情況實在太令人擔心。一班女仔，半夜三更會唔會危險呢？唔通佢地要向碼頭坐一個通宵？...情急之下，就真係合上眼，向上帝祈禱，祈求上帝保佑佢地平安。

祈禱之後，成個人非常安心。大概係基督徒講的「平安」吧，繼續等她們的時侯，內心也是平和。

過了大半個小時，另一隊的同學高高興興的把那些女仔接了回來。口水花噴噴認屎認屁寸下我地在所難免，但我當時只記得：又幾神奇喎。


過了一些日子，那些女仔的其中兩個，約我到佢地教會聚會，我亦欣然赴會了 ...